Пекинг, 21 септември 2014 (МИА) - На Кина во следните 20 години ќе и бидат потребни 98 илјади нови пилоти и 101.000 авионски техничари, соопштија кинеските власти.
Во истиот период, за целиот азиско-пацифички регион ќе бидат неопходни уште 216 илјади пилоти и 224 илјади техничари.
Тоа значи дека до 2033 година, во азиско-пацифичкиот регион, пилотите и техничарите ќе сочинуваат 39 отсто од нивниот вкупен број на светско ниво, што е повеќе отколку во Северна Америка и Европа заедно.
- Азиско-пацифичкиот регион доживува огромен економски развој и ќе стане најголем пазар за авио сообраќај, изјави Боб Белито од компанијата Боинг.
Освен тоа, со 13.460 нови авиони, кои ќе му бидат неопходни до 2033 година, азиско-пацифичкиот регион е на прво место во светот по бројот на порачки.