Скопје, 19 декември 2014 (МИА) - Ќе нема одложување на обврската за плаќање придонеси на хонорарите, што треба да почне од почетокот на следнот месец, изјави денеска вицепремиерот и министер за финансии Зоран Ставрески.
- Не, ќе нема одложувања. Од страна на министерот за труд и социјална политика е објаснето кои се придобивките од мерката и таа ќе стартува од 1 јануари, рече Ставрески, одговарајќи на новинарски прашања, по потпишувањето договор за инвестиција на американската компанија „Капкон“.