Вашингтон, 10 јуни 2015 (МИА) - САД и нивните сојузниците се подготвени да воведат дополнителни санкции против Русија доколку тоа е неопходно, изјави американскиот министер за финансии Џејкоб Ли на средбата со украинскиот премеир Арсениј Јацењук, и министерот за финансии Наталија Јареско, кои се во посета на Вашингтон.
Ли истакна дека на самитот на Г-7 во Германија е постигнат договор за продолжување на важноста на санкциите кон Русија се додека земјата целосно не ги исполни своите обврски од Минската спогодба, пренесува БТА
Американскиот министер за финансии ги поздрави напорите на украинските власти за постигнување спогодба со кредиторите за преструктуирање на долгот.
Тој ја нагласи важноста од продолжување на спроведувањето на реформите, кои ги почна Киев со цел обновување на економскиот раст и на стабилноста во вонредни услови.
Во интервју за Си-Ен-Ен Јацењук ја повтори потребата САД да и достават оружје на Украина, „бидејќи таа е принудена да се заштитува од Русија“.
- Украина е единствената земја, која се соочува со руската армија, рече тој. Според него Русија претставува закана не само за Украина, но и за целиот „слободен свет“.