Вашингтон, 25 август 2015 (МИА) - Американското воздухопловство наскоро ќе испрати во Европа „невидливи“ воени авиони Ф-22, како поддршка за европските сојузници кои се загрижени поради руската агресија.
Началникот на штабот на американските ВВС, Марк Велш изјави дека европските сојузници ги унапредиле своите воени авиони и сакаат да се уверат дека можат заедно со американските летала да учествуваат во операциите.
Овој план подразбира и дополнителна обука за летови над европскиот континент.
Секретарката на американското воено воздухопловство, Дебра Ли Џејмс истакна дека САД и нивните сојузници се многу загрижени пораду руските воени дејствија во Украина.