Берлин, 26 февруари 2016 (МИА) - Основачот на Фејсбук Марк Цукерберг во Германија научил зошто Фејсбук треба да обезбеди заштита од говор на омраза за мигрантите. Извршниот директор на една од највлијателните социјални мрежи е во посета на Берлин каде што неговата компанија е под силни критики за политиките на приватност кои дозволуваат антиимигрантски коментари од Неонацистички активисти.
За време на јавната сесија со студенти во Берлин Цукерберг изјави дека Фејсбук ги променил своите правила во врска со говорот на омраза кон мигрантите по комуникацијата со владата и невладиниот сектор во Германија.
„Една од работите по кои Германија е единствена е што во земјата мигрантите се заштитена категорија“, изјави Цукерберг.
Според него има голем број на групи кои што ги следиме поради говор на омраза но запознавањето со германските закони и култура Фејсбук го води кон пристап кој вклучува заштита на мигрантите и нулта толеранција за говор на омраза.
„Ова е секогаш работа во тек. Нема да тврдам дека сме совршени, дефинитивно ние не сме совршени“ , изјави Цукерберг на јавна дебата во Берлин.
Според основачот на Фејсбук, Германија е водечка држава во приемот на бегалците од војната во Сирија и другите конфликти, а САД може да учи од германскиот пример.