Берлин, 6 Мај 2016 (МИА) - Се помалубројната средна класа е причина за се поголемите разлики во примањата меѓу богатите и сиромашните во Германија и САД , се вели во извештајот објавен денеска од Германскиот институтот за економски истражувања (ДИВ) од Берлин.
Од 1991 до 2013 година таканаречанта средна класа е намалена за шест проценти во двете земји на кои што се фокусирал извештајот, јавува дописникот на МИА од Берлин.
Најзгрозените делови од населението во Германија се странците кои што се најголем процент од сиромашните, додека во САД најзагрозена група се хиспаноамериканците.
Според извештајот, дури и рекордно ниската невработеност не успеала да ја стабилизира средната класа што може да влијае на општата потрошувачка како еден од условите за стабилен раст на германската економија во иднина.
Просечната нето плата во Германија за 2014 година била околу 1.900 евра, додека бруто платата се движела на ниво од околу 3.500 евра.