Синагога во Марсеј продадена на група која од неа ќе прави џамија

Париз, 6 мај 2016 (МИА) - Синагога во Марсеј, по првпат, е во процес на продажба на муслиманска организација, која планира да ја претвори во џамија. Во Марсеј, град познат по разно население и децении толеранција, некои работи почнуваат да се менуваат.

- Ако мора да се продаде, подобро да стане место за молитва, отколку продавница или ноќен клуб, изјави главниот рабин Рубен Охана.

Рабинот додаде дека овој град, е град на миграции и оти „со векови дочекува различни луѓе од различни земји и сите добро живеат заедно. Имаме сончеви плажи, нема стрес ниту расизам“.

Според Би-би-си, синагогата некогаш била центар на богата еврејска заедница, а сега на нивно место дошле муслимански семејства.

Кога стигнале во Марсеј, мигрантите од северна Африка, Евреите и муслиманите живееле, работеле и купувале во исти делови на градот. За разлика од Париз, мигрантите го населиле и центарот на Марсеј.