Стотина мигранти исчезнаа во Средоземно МореРим, 26 мај 2016 (МИА) - Стотина мигранти се водат како исчезнати во Средоземно Море, откако потона бродот со кој се превезувале, соопшти Меѓународната организација за миграција (ИОМ), повикувајќи се изјави на преживеаните лица.
Портпаролот на ИОМ во Италија, Флавио ди Џакомо наведе дека рибарскиот брод, што вчера потона во Сицилискиот Теснец, бил преполн со мигранти.
Италијански и шпански воени бродови, кои учествуваат во европската операција за борба против криумчарите на мигранти во Средоземно Море, спасија над 80 луѓе кои доживеаја бродска несреќа во близина на брегот на Либија.
Се претпоставува дека од 20 до 30 лица загинале.
|