Тимерманс: Конструктивни преговори ЕУ-Турција за визна либерализација

Брисел, 30 јуни 2016 (МИА) - По денешните разговори во Брисел преговарачите од Европската Унија и Турција наскоро повторно ќе се сретнат за да ги доработат останатите отворени прашања, што имаат за цел постигнување спогодба за визна либерализација за турските граѓани, изјави првиот заменик претседател на Европската комисија, Франс Тимерманс, цитиран од британските медиуми.

„Конструктивни преговори со Турција, во кои нашите погледи за примената на останатите визни критериуми во целост се совпаднаа“, напиша на Твитер Тимерманс по средбата со турскиот министер за надворешни работи, Мевлут Чавушоглу, во Брисел.

„За некои прашања работата продолжува и во блиска иднина ние повторно ќе се вратиме на нив“, додаде тој.