Антиисламската партија АФД се попопуларна во ГерманијаБерлин, 1 јули 2016 (МИА) - На два месеци пред покраинските избори во Мекленбург-Форпомен и натаму расте рејтингот на антиисламската и антимигранска партија „Алтернатива за Германија“ (АФД).
Според последните анкети на агенцијата „Инфратест“, што ги пренесуваат германските медиуми, во споредба со април АФД има раст од два отсто и сега е трета партија и на покраинско и на федерално ниво.
Со своите 19 отсто рејтинг оваа партија, формирана пред три години со „антиевро“ политичка агенда, не може да ја урне владеачката коалиција во германската покраина, но ќе предизвика промена на носителот на власта.
Според анкетата, досега владечката СДП, што на последните избори имаше 35,6 отсто поддршка, сега се соочува со огромен пад на популарноста кој е на ниво од 22 отсто, со што најсилна партија сега е ЦДУ со 25 отсто, што за партијата на Меркел е зголемување за два отсто.
Анкетите за рејтингот на политичките партии и резултатите од изборите одржани годинава во три германски покраини покажуваат негативен тренд за германската „Голема коалиција“, составена од ЦДУ/ЦСУ и Социјалдемократите. Доколку трендот на намалување на рејтингот на СПД продолжи до втората половина на следната година, кога треба да се одржат федералните парламентарни избори, може да се очекува нова коалиција во која покрај една од големите партии ,најверојатно ЦДУ ќе треба да коалицира со две помали (Зелените и Слободните демократи) за да се формира стабилна федерална влада.
|