Oдбележана 100-годишнината од почетокот на битката кај СомаПариз, 1 јули 2016 (МИА) - Десетици илјади луѓе се собраа денеска во северна Франција, на одбележувањето на 100-годишнината од битката кај Сома, во текот на Првата светска војна.
На одбележувањето на овој значаен датум од британската и француската историја присуствуваа францускиот претседател Франсоа Оланд, британскиот премиер на заминување Дејвид Камерон, како и членовите на британското кралско семејство - престолонаследникот Чарлс и неговата сопруга, како и војводата и војводката од Кембриџ и принцот Хари.
Повеќе од еден милион луге загинаа или беа полесно и потешко ранети во борбата кај Сома, што траеше пет месеци, а историчарите ја означуваат како една од најкрвавите во текот на војната.
Борбата започнала на 1 јули 1916 година, а само во првиот ден од војувањата, загинале 19.200 британски војници, кои во пресметката со гермнанската војска, успеале да освојат површина од само три квадратни милји, или помалку од 800 хектари, на фронтовска линија долга 25 километри.
На крајот од петмесечната борба, британските војници успеале да напредуваат само 12 километри, но не и да ја скршат германската одбрана.
На крајот на петмесечното крваво војување Велика Британија имала 420.000 убиени и повредени, а Франција 200.000 војници. На непријателската страна, кај Германците биле регистрирани над 465.000 убиени и ранети војници.
|