Седница на германскиот Совет за безбедност

Берлин, 23 јули  2016 (МИА) - Со почеток во 12 часот и триесет минути денеска ќе заседава германскиот Совет за безбедност, на кој ќе се анализираат информациите поврзани со инцидентот во Минхен и за општата безбедносна состојба и предизвици во Сојузна Република Германија.
 
Според информациите од германското минситерство за надворешни работи состанокот ќе се одржи во кабинетот на канцеларката Ангела Меркел, јави дописникот на МИА од Берлин.
 
Вообичаено на состаноците на Советот за безбедност или како што во Германија се нарекува „Кабинетот за безбедност“ покрај канцеларката учествуваат и вицеканцеларот Зигмар Габриел, министерите за внатрешни и за надворешни работи, за одбрана, за правда и развој, како и претставници на различни безбедносни служби од федерални или покраински институции.