Берлин, 25 јули 2016 (МИА) - Портпаролот на германското Министерство за внатрешни работи соопшти дека Сириецот, кој вчера се саморазнесе во градот Ансбах во јужна Германија, и притоа повреди 12 лица, имал добиено две решенија за депортирање, од кои најновото на 13 јули.
Според портпаролот на Министерството, Тобијас Плате, 27-годишниот Сириец на 13 јули бил предупреден дека ќе биде депортиран во Бугарија. Првото решение за депортирање му било дадено на 22 декември 2014 година.
Плате појасни дека мажот требало да биде депортиран во Бугарија, бидејќи во оваа земја го поднел првото барање за азил.
Како што јави ДПА, во меѓу време тројца од 12-те повредени во синоќашниот напад се отпуштени од болница.
Од деветмина повредени, кои остануваат на лекување, ниту еден нема повреди опасни по животот, иако некои добиле траен инвалидитет.