Седумнаесет лица загинаа утрово во пожар во магацин на печатница во североисточниот дел на Москва, јави ТАСС.
Пред да се разгори пламенот, во зградата имало 30 државјани на Киргистан, кои работат таму легално, соопшти претставник на полицијата. Дванаесет од нив биле спасени и според нивните сведочења, внатре останале уште најмалку десет лица.
Пожарникарите успеале да дојдат до просторија, опколена од огнот, каде ги пронашле телата на шеснаесет лица, задушени од отровните испарувања.
Четвори лица се хоспитализирани, од кои една жена подоцна починала.
Печатницата и магацинот припаѓаат на компанијата „Печатниј експрес", која освен издавачки врши и дизајнерски услуги.
Пожарот беше изгасен во 9,53 часот, по локално време, изјави извор од руското Министерство за вонредни ситуации за руската државна телевизија, пренесува БТА.
Дефект на тело за осветлување е причината за пожарот во магацинот, соопшти началникот на главната управа при Министерството за вонредни ситуации во Москва Иља Денисов.