Хангџу, 5 септември 2016 (МИА) - Германската канцеларка Ангела Меркел изјави денеска дека е незадоволна со резултатите од регионалните избори, на кои нејзината партија го зазеде третото место, зад антимиграционата партија и дека е свесна оти причина за тоа е нивната мигрциска политика.
Меѓутоа, Меркел е уверена дека таа политика е „правилна уште од самиот почеток“.
Меркел призна дека нејзиниот став по прашањето за примање на мирантите и донел пад на популарноста, дури и пораз на нејзината конзервативна партија на вчерашните избори во Мекленбург.
- Многу сме незадоволни од резултатите на изборите, истакна Меркел.
Меркел додаде дека „сепак тоа не ја намалува правилноста на нејзината одлука“, како и дека е „неопходно Германија да продолжи со решавање на тоа прашање“.
- Потребно е да ја вратите довербата на луѓето и можноста за интеграција на мигрантите, како и доследно депортирање на оние кои не ги исполнуваат условите за добивање на азил, заклучи Меркел.