Словенија ја презеде зградата на Амбасадата во РаботЉубљана, 28 октомври 2016 (МИА) - Словенија, како една од шесте земји наследнички на поранешната СФРЈ, ја презеде зградата на Амбасадата во мароканскиот град Рабат, која и припаѓа со договорот за сукцесија.
Објектот вчера беше формално предаден на Министерството за надворешни работи на Словенија, а го презеде државниот секретар во тој ресор Станислав Видович од амбасадорката на Србија во Мароко Слаѓана Прице, соопшти Министерството за надворешни работи на Словенија.
Официјална Љубљана зградата на амбасадата ја доби согласно договорот за поделба на дипломатскиот имот, кој го потпишаа државите наследнички на СФРЈ, пренесува СТА.
Претходно годинава, согласно договорот, Словенија веќе презеде две згради во Бразил, односно во Бразилија и во Сао Паоло. На Словенија и припаднаа и објектите во Танзанија и Мали.
|