Берлин, 10 ноември 2016 (МИА) - На новоизбраниот американски претседател, Доналд Трамп, Европа мора да му даде шанса да го продолжи трансатлантското партнерство, изјави денеска еврокомесарот Гинтер Етингер, оценувајќи дека првите пораки на Трамп по прогласувањето на изборната победа беа мудри, јавија британските медиуми.
- Секако дека сме разочарани и изненадени од исходот, но тоа мораме да го прифатиме, рече Етингер за германското радио „Дојчландфунк“.
Еврокомесарот истакна дека на Трамп и неговата екипа, за која, како што кажа, се надева дека е професионална, Европа мора да му даде шанса да го продолжи трансатлантското партнерство темелено на заеднички вредности.
Етингер оцени дека американската предизборна кампања ја карактеризирала огнена реторика, недостаток на почитување и лаги.
-Сега мораме да видиме дали ќе има нов почеток, а барем првите пораки на Трамп беа мудри, заклучи тој.
На изборите од 8 ноември Трамп беше избран за 45. американски претседател.