Фараж: Можам да и помогнам на Велика Британија да изгради подобри односи со САД

Лондон, 22 ноември 2016 (МИА) - Британскиот политичар Најџел Фараж денеска изјави дека е во поволна позиција да помогне во зацврстувањето на односите помеѓу Велика Британија со новоизбраниот американски претседател Доналд Трамп, откако тој на Твитер напиша дека Фараж треба да биде новиот амбасадор на Лондон во Вашингтон, пренесува БТА.

- Имам долгогодишно познанство со неколкумина од тимот на Трамп и сум во добра позиција да ја стекнам поддршката на новоизбраниот претседател, вели Фараж во напис објавен на веб страницата „Брајбарт".

- Светот се промени, време е и „Даунинг стрит 10“ тоа да го направи, истакна веднаш потоа поранешниот лидер на британската опозициска Партија за независност на Обединетото Кралство УКИП.

Фараж, кој инаку е силен поддржувач на Брегзит, лани се повлече од лидерската функција во својата партија.