Берлин, 20 декември 2016 (МИА) – Еден или неколкумина од извршителите на нападот со камион во Берлин можно е се уште да се на слобода, потврди денеска шефoт на германската полиција Холгер Муенх.
Претходно, полицијата соопшти дека постојат сомневања дали осомничениот Пакистанец кој е во притвор е возачот на камионот што вчера влета на божиќен пазар во Берлин и уби најмалку 12 луѓе.
– Засега е нејасно дали осомничениот бил возач на камионот, изјави Клаус Кант шеф на полицијата во Берлин.
Во нападот извршен вчера голем камион влета на божиќен пазар на фрекфентна улица во Берлин и притоа загинаа 12 луѓе и најмалку 48 се повредени.
Мажот (23) идентификуван како Пакистанец кој бара азил во Германија беше приведен по нападот и според германски медиуми, негира вмешаност.
– Имаме погрешен човек и поради тоа има и нова ситуација. Вистинскиот извршител е се уште вооружен и може да направи нова штета, објави Велт цитирајќи извор во германската полиција. Другиот осомничен, маж со полско државјанство кој бил совозач е пронајден мртов во камионот.