Мнозинството Германци веруваат дека Германија е безбедна земја и покрај неодамнешниот напад на божиќниот пазар во Берлин, кога беа убиени 12 лица, покажаа резултатите од најновата анкета.
Според неа, 73 отсто од граѓаните навеле дека се чувствуваат сигурно во Германија, додека 26 проценти изјавиле дека не се чувствуваат безбедно, а еден отсто одбиле да одговорат, пренесуваат американските медиуми.
Дека безбедно се чувствуваат навеле и припадниците на сите партии, освен членовите на Алтернатива за Германија, од кои 66 отсто кажале дека стравуваат за својата сигурност.
Резултатите од одвоената анкета покажаа и дека поддршката за коалицијата предводена од германскиот канцелар Ангела Меркел, и покрај нападот на божиќниот пазар, е нарасната за околу два отсто, пренесуваат британските медиуми.
На 15 отсто е нарасната и поддршката за Алтернатива за Германија, додека поддршката за малциснкиот партнер во Владата на Меркел - Социјалдемократската партија е опадната на 20 проценти.