Стапуваат во сила санкциите против филијали на руски банки во Украина

Киев, 23 март 2017 (МИА) - Украинската централна банка соопшти дека санкциите против филијали на руски банки во Украина ќе стапат во сила од денеска.
Тие ќе вклучуваат забрана за финансиски операции, кои се од корист за централните на тие филијали.
Пет руски банки, сопственост на руската држава, се присутни во Украина со комбиниран пазарен удел од 8,6 отсто и пасиви од 36 милијарди гривни (1,3 милијарди долари). Банките Сбербанк, ВЕБ и ВБТ се меѓу 20-те најголеми кредитодаватели во земјата.
Украина веќе им забрани на тие банки да ги зголемуваат депозитите поради тензиите во односот меѓу Киев и Москва во врска со анексијата на Крим и поддршката на Русија на проруските сепаратисти во источниот дел на земјата.