Шидло: Можно е Полска да не ја потпише заклучната декларација од средбата на ЕУ во РимВаршава, 23 март 2017 (МИА) - Можно е Полска да не ја потпише заклучната декларација од средбата на врвот на ЕУ, која ќе се одржи в сабота во Рим по повод 60-годишнината од потпишувањето на Римскиот договор, доколку документот не содржи прашања кои се приоритетни за Варшава, изјави денеска полскиот премиер Беата Шидло.
- Ако декларацијата не содржи прашања кои се приоритетни за Полска, ние нема да ја прифатиме. Единството на ЕУ, заштитата на тесната соработка во НАТО, зајакнување на улогата на националните парламенти и правилата за заеднички пазар, кои не треба да се делат туку да се обединуваат, се четирите приоритети кои треба да бидат вклучени во декларацијата, истакна Шилдо.
|