Москва, 24 март 2017 (МИА) - Русија денеска ги отфрли тврдењата на САД дека ги снабдува талибанските бунтовници во Авганистан, нагласувајќи дека Вашингтон се обидува да ја прикрие својата пропадната политика во таа земја.
На сослушувањето во Сенатот, армискиот генерал и врховен сојузнички командант во Европа, Куртис Скапароти изјави во четвртокот дека забележал пораст на руското влијание врз „интензивирањето на бунтот на талибанците“ во Авганистан.
- Забележав пораст на влијанието на Русија во изминатиот период, зголемена соработка, а можеби и снабдување на талибанците, изјави генералот.