Полската Влада ќе ги продолжи реформите на судскиот системВаршава, 25 јули 2017 (МИА) - Полската конзервативна Влада соопшти синоќа дека ќе ја продолжи оспоруваната реформа на судскиот систем и покрај ветото на два од трите закони за реформирањето, ставено од претседателот Анджеј Дуда. - Нема да потклекнеме на притисокот од улицата и странство, изјави премиерот Беата Шилдо како одговор на ветото, кое претседателот го стави вчера изутрината. Таа наведе три принципи на кои треба задолжително да се засновааат реформите: судиите, осомничени за корупција треба да си заминат, за оние кои се корумпирани, а кои „денеска се недопирливи“ треба да бидат воведени дисциплински мерки и луѓето треба да ја вратат контролата врз судовите. Пред претседателската палата во Варшава синоќа повторно се собраа незадоволни граѓани, кои побараа и трето вето на законот за обичните судови, кој претседателот одлучи да го потпише. Друг протест имаше пред Врховниот суд, чија претседателка Малгожата Герсдорф им се заблагодарни на луѓето за поддршката.
|