Амстердам, 17 август 2017 (МИА) - Вооружен маж со нож зеде за заложник жена во зградата на холандското радио 3 Ем Еф во градот Хилверсум, а неколку часа подоцна полицијата соопшти дека жената е ослободена жива и здрава, а мажот е уапсен.
Во осум часот по локално време мажот и се заканил на жената, која била вработена во радиото со нож на паркинг до зградата и ја принудл да влезе заедно со него внатре во објектот.
Засега не е познато дали тие меѓусебно се познавале. На местото пристигнаа неколку полициски возила и зградата беше опколена. На 50 метри од зградата беа пронајдени нож и чанта.