Италијанските криминални организации се повеќе соработуваат

Новиот италијански јавен обвинител за борба против организираниот криминал изјави дека организираните криминални групи во Италија се почесто соработуваат за воспоставување контрола врз меѓународниот шверц на наркотици.

Обвинителот Федерико Кафиеро де Рахо на конференција во Милано изјави дека мафиите Ндрангета, Коза Ностра, Камора и други работат заедно и разменуваат информации за тоа на пример кои пристаништа ги користат за шверц на кокаин и хероин.

За да покаже колку големо влијание имаат овие организации, Кафиеро де Рахо за пример рече дека тие можат да сменат капетан на брод во Панама со свој човек за да пренесат голем товар дрога.

Според него, мафијата ја „окупирала целата територија“ на јужна Италија и го трасира својот пат кон север, со преземање на легитимните бизниси на трговци кои пропаѓаат и прифаќаат пари за да  ги спасат фирмите од кои мафијата потоа ги исфрла.