Италијанската полиција заплени 300 килограми марихуана пристигната од Албанија

Моторен чамец натоверен со околу 300 килограми марихуана запленила синоќа италијанската полиција во пристанишниот град Бари.

Чамецот, кој според медиумите тргнал од албанскиот брег, го управувал 26-годишен италијански државјанин, кој е уапсен. Според италијанската полиција вредноста на дрогата на нарко пазарот би достигнала вредност од три милиони евра.

Првичните информации говорат дека чамецот со дрогата требало да пристигне во Пулија, бидејќи во овој период од годината можноста за продажба на истата е поголема поради големиот број летувалци.

Деновиве италијанската полиција кај Лече заплени тон марихуана пристигната од Албанија и упаси двајца албански и еден италијански државјанин. Нејзината вредност се проценува на 10 милиони евра.

Инаку, од почетокот на годинава италијанската полиција на повеќе приморски места заплени околу 20 тони марихуана, пристигната со моторни чамци од Албанија.