Будимпешта/Сеул, 5 октомври (МИА) - Во Унгарија беше откриена зголемена содржина на меламим во „нес кафе“ на компанијата „Нестле“ во склад во градот Дјал. Пратката „нес кафе“ била добиена од Бангкок.
На еден килограм од кафето биле измерени 2,7 милиграми меламин, што е повеќе од зголемената норма од 2,5 милиграми. Пратката не стигнала до трговците на мало.
Поради откриен меламин од продавниците во Јужна Кореја ќе бидат повлечени произведените во Кина слатки производи на „Нестле“ и „Марс“. Според јужнокорејската служба за контрола на храната и лекарствата минимални количини меламин се пронајдени во чоколадните бомбони М&М на „Нестле“ и во чоколадите „Сникерс“ со фстаци. Ниски нивоа на меламин се пронајдени и во чоколадите „Кит кет“ на „Нестле“.
Во Кина во почетокот на септември беа регистрирани масовни случаи на камен во бубрегот кај бебиња, кои пиеле млеко на кинеската фирма „Санлу“. Истражувањата покажаа присуство на меламин во млекото. Утврдено беше дека опасната хемикалија се содржи во производите на уште 22 кинески компании.