Минск, 9 септември (МИА) - Венецуелскиот претседател Уго Чавес при денешна посета на Минск предложи обединување на Венецуела и Белорусија во една држава, како доказ за нивните одлични билатерални односи.
- Тоа нема да биде сојуз како оној на советските социјалистички републики, туку заедница на слободни републики здружени во сојуз, изјави Чавез по средбата со неговиот домаќин, белорускиот претседател Александар Лукашенко.
Шефот на белоруската држава од своја страна најави дека планира да ја посети Венецуела со цел да придонесе за продлабочување на билатералната соработката, која „се развива со молскавична брзина“.
- Пред неколку години ние воопшто не се познававме, а денес нашата трговска размена изнесува стотици милиони долари, нагласи Лукашенко.
Чавез, кој вчера допатува во Белорусија, попладнево од Минск заминува за Москва во дводневна посета на Русија.