Париз, 14 септември (МИА) - Францускиот министер за економија Кристин Лагард ги повика првите луѓе на компанијата „Телеком Франција“ итно да се состанат, по самоубиствата на 22 работници од ова претпријатие.
- Не знам во што е проблемот, но побарав од претседателот на „Телеком Франција“ со Гзавие Даркос веднаш да свика состанок на директорите, истакна Лагард.
Портпарол на Министерството за труд вчера соопшти дека ресорниот министер Гзавие Даркос ќе се сретне со извршниот директор на францускиот телеком, Дидие Ломбар оваа недела, со цел да се разгледаат начините за решавање на проблемот, за кој синдикатите ги обвинуваат преструктуирањето на компанијата и притисокот на работните места.
Синдикатите ја повикаа државата да се вклучи во проблемот, бидејќи уште еден вработен во телекомот во петокот си го одзема животот, со што бројот на самоубиства меѓу работниците во оваа компанија од почетокот на 2008 година се зголеми на 22 лица.
Компанијата „Телеком Франција“ е приватизирана во 90-тите години од минатиот век, а државата и понатаму е сопственик на 27 отсто од нејзиниот капитал.