Берлин, 17 септември (МИА) - Десет ученици се повредени, од кои тројца потешко, утринава во гимназија во градот Ансбах, во Јужна Германија, откако 19-годишен ученик фрли молотов коктел, соопшти локалната полиција.
Нападот е извршен во гимназијата „Каролинум“, една од најстарите во Баварија, а причините се уште не се познати.
Напаѓачот, кој исто така е повреден во инцидентот, е уапсен од полицијата и веднаш пренесен во болница.
Според претставник на локалните служби за цивилна заштита меѓу повредените имало и наставници. Сите повредени биле пренесени во болница со хеликоптер.