Брисел, 18 септември (МИА) - Генералниот секретар на НАТО Андерс Фог Расмусен предложи денеска Алијансата и Русија да ги поврзат своите системи за противракетна одбрана.
Во првото големо обраќање, откако ја презеде функцијата минатиот месец, Расмусен го поздрави решението на САД да се откажат од своите планови да распоредат елементи од антиракетниот штит во Источна Европа, и изрази уверување дека тоа нема да ги ослабе сојузниците.
Генералниот секретар на Алијансата исто така ја повика Русија да изврши максимален притисок врз Иран да се откаже од нуклеарните амбиции.
- Сметам дека е можно за НАТО и Русија да постават еден нов почеток во своите односи, истакна Расмусен. Тој истакна дека ќе се обиде да ја обиде Русија, дека евентуалното присоединување на Украина и на Грузија кон Алијансата не противречи на нејзините интереси.