Париз, 5 октомври (МИА) - Франција ги повика денеска Чешка и Велика Британија да не ја блокираат Европската унија, поради тоа што го забавуваат стапувањето во сила на Лисабонскиот договор.
Откако Ирска кажа „да“ на новиот европски договор во петокот, францускиот државен секретар за европски прашања Пјер Леолуш истакна дека „подолго време Европа се занимава само со својот папок“.
За време на дебатата во француското МНР со учество на амбасадори, пратеници и новинари, Леолуш ја повика Чешка да запре да ја пролонгира ратификационата процедура“. Тој ја посоветува Велика Британија да не се изолира со антиевропско однесување.
Во Чешка, претседателот Вацлав Клаус се занимава со потпишување на законот за ратификација на Лисабонскиот договор, Лидерот на британските конзервативци Дејвид Камерон, чија партија веројатно ќе дојде на власт по парламентарните избори следната година, ја потврди намерата да се бори против новиот европски договор, не исклучувајќи ја можноста да одржи референдум по тоа прашање.