Брисел, 13 октомври (МИА) - Европската комисија би требало утре да го усвои годишниот извештај за успесите кои во последните 12 месеци ги забележале државите кои бараат членство во ЕУ, додека Европскиот парламент за истиот извештај ќе расправа в четврток.
Во извештајот детално се анализира напредокот на државите кои имаат статус на кандидати - Македонија, Хрватска и Турција, како и потенцијалните кандидати - Албанија, Црна Гора, Босна и Херцеговина и Србија, додека Косово се третира согласно Резолуцијата 1244 на Советот за безбедност на ОН.
Дел од извештајот ќе се однесува и на Исланд, кој неодамна поднесе барање за членство во ЕУ.