Брисел, 28 октомври (МИА) - Постојаниот претставник на Русија во НАТО, Дмитриј Рогозин предложи денеска Советот НАТО-Русија да разгледува прашања за Авганистан во Кабул, а не во Брисел.
Рогозин додаде дека е лесно да се разгледува соработката за Авганистан во белгискиот главен град, а сосема друго е тоа да се случи во Кабул. Toj сепак призна дека е малку веројатно да има такво заседание до крајот на годината.
Рогозин ги истакна како причина логистичките проблеми како и префрлање на делегациите во Кабул и гарантирањето на безбедноста. Авганистан ќе биде топ-тема на седницата на Советот НАТО-Русија на 25 ноември во Брисел, дополни тој.