Москва, 29 март (МИА) - Рускиот претседател Дмитриј Медведев ја посети денеска станицата Лубјанка во Московското метро каде утрото беше извршен еден од двата напада во кои загинаа 38 луѓе и 62 беа повредени.
- Организаторите на нападите ќе бидат пронајдени и уништени, изјави тој откако положи цвеќе на местото на трагедијата. - Тоа се ѕверови без разлика какви им се мотивите и она што го направија е криминал по секое право и секој морал, додаде тој.
Медведев додаде дека неодамна биле уништени организаторите на експлозиите во возот Москва-Петерсбург.
- Ги уништивме сите до еден, нагласи тој.
Утре во Москва е ден на жалост. Руското МНР изрази сочувство до семејствата на неколкуте настрадани странци во нападите.