Москва, 10 април (МИА) - Хеликоптер Ми-8 со германски туристи беше затрупан од снежна лавина при слетувањето на полуостровот Камчатка, јавија руските медиуми.
Руското Министерство за вонредни ситуации соопшти дека во хеликоптерот имало 18 лица - 14 возачи на сноуборд, тројца членови на екипажот и уште еден патник.
Од под снегот се извлечени десет лица од кои осум се повредени, а двајца од нив се хоспитализирани.
Спасувачките екипи трагаат по преостанатите лица.