Москва, 10 април (МИА) - Десет лица загинаа во хеликоптерска несреќа на полуостровот Камчатка, на Далечниот Исток, соопшти Главната канцеларијата на регионалното Министерство за вонредни ситуации.
Претходно регионалното Министерство информира за седум жртви во несреќата.
Хеликоптерот Ми-8 со 14 германски туристи, едно дете и тројца членови на екипажот исчезна денеска, по што беше откриен затрупан од снежна лавина, на еден од ридовите на Камчатка.
Член на екипажот и еден од туристите се примени во локалната болница, а во друга болница се сместени останатите ранети.