Братислава, 12 јуни 2010 (МИА) - Во Словачка денеска се одржуваат парламентарни избори на кои треба да бидат избрани 150 пратеници во еднодомниот национален парламент.
Ова се петтите парламентарни избори во Словачка по падот на комунизмот во 1989 година и втори откако земјата стана членка на Европската унија и НАТО во 2004 година.
Околу 4,2 милиони Словаци на возраст над 18 години имаат право да гласаат за 2.397 кандидати, чија просечна возраст е 45 години. Станува збор за 1.852 машки и 545 женски кандидати од 18 партии.
Земјата е поделена на 50 избирачки реони, а гласањето се врши во 5.929 гласачки места.