Москва, 11 август 2010 (МИА) - Билансот на загинатите во пожарите во Русија се зголеми на 53 лица, соопшти денеска руското Министерство за здравство.
Од вкупно 806 лица кои побарале медицинска помош, 706 се лекувани во амбулантите, 88 се наоѓаат во болниците, а 53 починале.
Министерството напомена дека досега не се побарани дополнителни лекови или медицински персонал за регионалните здравствени установи.
Шумските пожари беснеат во 22 области. Ситуацијата е особено алармантна во Белгород, Вороњеж, Иваново, Москва, Нижни Новогород, Липецка, Ријазана и во областите Тамбов, Мородовија и Чувашија.