Париз, 14 септември 2010 (МИА) - Француските власти денеска депортираа над 200 романски Роми.
Група од околу 160 Роми беа вратени во Романија со лет од аеродромот Шарл де Гол. Уште 69 Роми меѓу кои 12 деца отпатуваа од аеродромот во Марсеј за Букурешт.
Ромите се согласиле на т.н. процедура за „доброволно враќање“ при што добиле помош од 300 евра за возрасен и 100 евра за дете.
Заменикот-претседател на ЕК Вивијан Рединг предупреди денеска дека Комисијата може да почне за две недели казнена процедура против Франција заради депортирањето Роми. Од крајот на јули до крајот на август Франција депортирала речиси илјада романски и бугарски Роми.