Рим, 11 ноември 2010 (МИА) - Италијанскиот премиер Силвио Берлускони нема намера да се повлече од функцијата, соопштија претставници на неговата партија Народ на слободата, по повод преговорите во владејачката коалиција, откако претседателот на Парламентот Џанфранко Фини побара негова оставка.
Од партијата на Берлускони изјавија дека е „неприфатливо“ Парламентот да избира нов премиер и да формира нова Влада, додавајќи дека или ќе има предвремени избори, или Владата ќе го заврши мандатот до 2013 година.
Фини од долгогодишен сојузник се претвори во жесток противник на премиерот и во неделата побара негова оставка.