Лондон, 7 декември 2010 (МИА) - Адвокатот на Џулијан Асанџ за Би-Би-Си изјави дека неговиот клиент ќе разговара со британската полиција.
- Господинот Асанџ не е обвинет за никакво злосторство. Се договараме со полицијата да се состанеме на доброволен разговор за да и дадеме шанса да постави прашања и да добие одговори, истакна Марк Стефенс, но не прецизира кога ќе биде разговорот.
Се претпоставува дека Асанџ се крие во југоисточниот дел на Англија. Ако британската полиција го уапси во рок од 24 часа мора да одговори на барањата на Шведска за екстрадиција на Асанџ.
Во меѓувреме швајцарските банки ги замрзнаа сметките на Викиликс.
Од Викиликс тврдат дека во последната недела изгубиле околу 100.000 евра.
- Кон крајот на минатата недела интернет-страницата ПeјПал (PayPal) замрзна 60.000 евра донација од германската хуманитарна организација Фондот Вaу Холанд (Wau Holland), што беше задолжена за ширење на знаењето по пат на Викиликс.