Вашингтон/Москва, 21 февруари 2011 (МИА) - Земјотрес со интензитет од 6,2 степени според Рихтер рано изутринава го погоди источниот брег на Камчатка, но засега нема информации за евентуални жртви.
Епицентарот на потресот се наоѓал на 400 километри североисточно од регионалната престолнина Петропавловск-Камчарски, на длабочина од 9,3 километри, соопшти Американскиот геолошки институт.
Портпарол на регионалното Министерство за вонредни ситуации нагласи дека нема информации за евентуални жртви или причинета материјална штета.