Берлин, 22 март 2011 (МИА) - Германија се повлече од операциите на НАТО во Средоземно море, соопшти Министерството за одбрана, цитирано од германските медиуми.
Портпарол на министерството изјави дека две фрегати и уште два брода со вкупно 550-член екипаж повторно се ставени под германска команда. Засега не се прецизира дали бродовите ќе останат во Средоземно море.
Околу 60-70 германски војници, кои учествуваат во воздушните операции за набљудување во Средоземно море, исто така ќе бидат повлечени.
НАТО почна военопоморска операција за примена на ембаргото за оружје врз Либија, одобрено од Советот за безбедност на ОН.