Стокхолм, 25 мај 2011 (МИА) - Облакот пепел од исландскиот вулкан Гримсвортн достигна до Шведска и тоа се одрази на воздушниот транспорт.
На аеродромот во Гетеборг „Ландсветер“, кој се наоѓа на западното крајбрежје на земјата, се откажани 20 летови.
Експертите на германската Агенција за безбедност на воздушниот сообраќај соопштија синоќа дека од денеска од пет часот наутро ќе ги затворат аеродромите на северот на земјата поради облакот од пепел кој доаѓа од исландскиот вулкан.
Од пет часот наутро нема да бидат дозволени полетувања, ниту слетувања од аеродромот во Бремен, а од шест часот ниту од аеродромот во Хамбург.
Според податоци на европската агенција за безбедност на воздушниот сообраќај (Евроконтрол), вкупно вчера во Западна Европа, најмногу во Велика Британија, биле откажани околу 500 летови.