Дизелдорф, 27 јули 2011 (МИА) - Германската хакерска организација Анонимните му објави војна на норвешкиот напаѓач Андерс Брејвик, повикувајќи ги своите членови по целиот свет да го најдат на Интернет неговиот манифест и да ја променат неговата содржина.
Хакерите освен тоа сакаат и да закачат на Интернет лажни верзии на манифестот на Брејвик, кој содржи исламофобски и антимарксистички ставови.
Целта, според групата, е да се делегитимираат неговите погледи, со што „никој повеќе нема да го сфати сериозно“.
Анонимните веќе објавија војна на повеќе влади во светот и водеа хакерска кампања и во заштита на сајтот Викиликс. Неодамна тие во Австрија ги нападнаа сајтовите на крајнодесничарската партија и на социјалдемократите.