Осло, 3 август 2011 (МИА) - Андерс Беринг Брејвик, кој призна дека во Осло и на островот Утоја убил 77 лица, по нападот ја информирал полицијата дека ќе се предаде и дека „ја извршил својата мисија“, пишува норвешкиот весник „Варденс ганг“.
- Брејвик. Командант. Учесник на антикомунистичкиот отпор против исламизацијата. Ја изврши мисијата и ќе им се предаде на специјалните сили „Делта“, изјавил 32 годишниот Норвежанец кога по убиството на 69 лица на островот Утоја, ја повикал полицијата.
Весникот наведува дека повикот на бројот за итни случаи траел само три секунди, а полицијата не успеала повторно да воспостави врска со напаѓачот.
Портпаролот на полицијата во Осло потврди дека полицијата примила повик од телефонот на Брејвик. Меѓутоа не е потврдено дека токму Брејвик се јавил на телефонот, а не се потврдени ниту неговите зборови.