Лондон, 9 август 2011 (МИА) - Улични немири и грабежи на млади насилници синоќа првпат се регистрирани и во Бирмингем и во Ливерпул, но во обем и со последици, значително помали од оние во глевниот британски град, јави дописникот на МИА од Лондон.
Полицијата во Бирмингем, втор по големина град во Велика Британија, соопшти дека уапсила преку 40 лица, откако околу 300 млади, меѓу кои се забележани и деца, почнале со напади врз продавници во центарот на градот и со грабежи од излозите на оштетените трговски објекти.
Бирмингем е мултиетнички град, со бројна азиско-муслиманска и црнечка заедница, но немирте таму се оправдуваат со незадоволството на младите од нивниот статус во општетството.
Локалните социолози предупредуваат дека немирите и насилствата по улиците може да продолжат, затоа што не мал број млади луге, кои растат во услови во кои не гледаат за себе никаква перспектива во иднина.
Доцна синоќа, полицијата и во Ливерпул соопшти дека немири избувнале и во овој град, во северозападна Англија. Според изјавата на претставник на тамошната полиција, станува збор за „помали, изолирани групи на млади“ кои се судриле со силите на редот во јужните делови од градот. Се уште нема информации за уапсени и повредени лица.