Јоханесбург, 16 септември 2011 (МИА) - Европа е подготвена да ја признае преодната либиска влада во Обединетите нации, но од неа ќе побара да биде инклузивна, изјави денеска претседателот на Европскиот совет Херман ван Ромпуј.
Ван Ромпуј, во текот на посетата на Јужноафриканската Република, изјави дека европските земји се подготвени да го поддржат Преодниот национален совет како официјален претставник на Либија, пренесоа агенциите.
-Ние дури сме подготвени и да ги признаеме, да го заземат местото на Либија во Обединетите нации, изјави Ван Ромпуј по средбата со претседателот на Јужноафриканската република Џејкоб Зума.
Јужноафриканската Република се уште го нема признаено Преодниот национален совет на Либија.